東京伊豆十天遊 ... 19/7(住宿及shopping)

原本打算19/7入伊豆, 不過, 行程有變, package無得變, 所以第二天的首個活動是搬行李, 轉酒店. 轉去日本橋馬喰橫山A1的東橫inn都好方便. 從新宿乘都营新宿線, 就可以直達馬喰橫山站, 由A1出口出, 過對面馬路, 望望右邊的小街巷, 就會先見到大大隻的東橫inn字樣. 附近都有JR馬喰町站, 1號出口, 一樣好快到. 房間大小尚算ok, double-bed都夠大, 好過上次super hotel好多.

之後, 就開始正式的行程, 我哋先到涉谷. 馬喰橫山-->新宿(都营新宿線)-->涉谷(JR山手線). 在0101和 Tokyu-hand一帶來來回回, 室外地方, 好曬好熱. 午餐吃個涼麵正好消暑一番.

走完涉谷, 收穫一般, 於是轉戰原宿竹下通. 涉谷-->原宿(JR山手線). 竹下通人頭湧湧, 擠迫, 焗熱, 始終都是逛公司比較舒服. 走到倦了, 還是要坐坐, 吃杯冰冰歇一歇.

晚飯後, 從原宿走向新宿, 中途經過LARORET Grand Bazar, 裡面熱鬧非常, 我哋終於見識大減價的賓墟場面, 第一次看到¥1050的價錢牌. 從原宿走到新宿? 憑著4年前的模糊記憶走呀走, 以為終點在望之際, 才醒覺眼前之地似曾相識, 原來不是走到新宿, 而是走回涉谷. 我和F先是各自心裡一寒, 然後就相視而大笑. 北海道團友, 記得我們上次從原宿走到哪個JR站嗎?

總之, 這一天好攰好攰, 雙腳又麻又軟. 候車之時, 都不禁丟下所有物品, 靠在牆邊蹲蹲抖一下. 可惜, 這種疲累只是一個序幕 ......